گوادر کے بواٸز اور گرلز اسکولز کو صوبہ کا ماڈل اسکول بنارہے ہیں۔ جی ڈی اے غریب و ضرورت مند طلبہ و طالبات کی فیس برداشت کریگی۔ اساتذہ کیلٸے تربیتی پروگرام شروع کرینگے۔ مجیب الرحمن قمبرانی کاعالمی یوم اساتذہ کے مناسبت سے منعقدہ تقریب سے خطاب۔بدھ کے روز میر عبدالغفور کلمتی ویلفیر ٹرسٹ کے زیر اہتمام عالمی یوم اساتذہ کے مناسبت سے گرلز ہاٸی اسکول گوادر میں تقریب کا انعقاد کیا گیا تقریب گوادر کے عظیم استاد شاعر استاد عبدالمجید گوادری کے نام پر منعقد ہوا ۔ تقریب میں بچوں نے ٹیبلو، تقاریر پیش کرکے اساتذہ کو عالمی دن کے موقع پر سلام پیش کیا ۔ تقریب کے مہمان خاص ڈاٸریکٹر جنرل گوادر ڈویلپمنٹ اتھارٹی مجیب الرحمن قمبرانی نے استاد کی وقار کو اجاگر کرتے ہوۓ کہا کہ والدیں کے بعد سب سے بڑی اہمیت استاد کی ہے۔ جس کو روحانی والدین کا درجہ حاصل ہے اس لیے معاشرہ کی تعمیر و ترقی اور زاتی زندگی کی تبدیلی میں استاد کا کلیدی کردار ہوتا ہے ۔ اساتذہ کی عزت و احترام ہی کامیابی کی بنیادی سیڑھی ہے۔ انہوں اساتذہ پر زور دیا کہ وہ اپنے طلباء کو ایک سنہری مستقبل کا تصور کرنے اور ان کی خواہشات کی تکمیل کے لیے ضروری اہلیت حاصل کرنے کی ترغیب دیں۔ انہوں نے کہا کہ اساتذہ کو اس بات پر خصوصی توجہ دینی چاہیے کہ ہر طالب علم کی صلاحیت، قابلیت ، نفسیات ، سماجی پس منظر اور ماحول مختلف ہوتا ہے۔ اس لیے ہر بچے کی ہمہ جہت ترقی کے لیے ان کی خصوصی ضروریات دلچسپیوں اور صلاحیتوں پر زور دیا جانا چاہیے۔اور امید ظاہر کی پوری اساتذہ برادری بدلتے حالات کے مطابق اپنے تدریسی طریقہ کار میں تبدیلی کرتی رہے گی۔ ڈاٸریکٹر جنرل نے مذید کہا کہ آج ہم جس اسکول میں یہ تقریب منعقد کررہے ہیں عنقریب اس جگہ کا نقشہ تبدیل ہوگا۔ یہاں پر شاندار آڈیٹوریم، لاٸبریری، کلاس رومز، اور بچوں کے لیے پلے ایریا تعمیر کررہے ہیں۔ اور اسی طرح بواٸز اسکول کی تعمیر و تزٸین پرکام ہورہی ہے۔ یہ ہر دو اسکول بلوچستان کے بہتریں اسکولز کے صف میں شامل ہونگے۔تعلیمی اداروں کی تعمیر و ترقی ہماری زمہ داری ہے جبکہ اساتذہ بچوں کی کوالٹی ایجوکیشن پر تمام تر صلاحتیں بروۓ کار لاٸیں تا گوادر کو مستقبل کا معاشی حب بنانے کے ساتھ ساتھ تعلیمی حب بنانے کی خواب کو شرمندہ تعبیر کر سکیں۔ جی ڈی اے ہاٸیر سیکنڈری اسکول اور یونیورسٹیز میں گوادر کے غریب و ضرورت مند طلبہ و طالبات کی فیس جی ڈی اے ادا کریگی۔ اساتذہ کی استعداد کار اور کیپسٹی بلڈنگ کیلٸے تربیتی پروگرام شروع کرنے کا منصوبہ زیر غور ہے۔ ڈاٸریکٹر جنرل نے تقریب میں ٹیبلو پیش کرنے والے بچوں کیلٸے کیش انعام کا بھی اعلان کیا۔ تقریب میں میر عبدالغفور کلمتی ویلفیٸر ٹرسٹ کے صدر میر ارشد کلمتی، ایڈشنل ڈپٹی کمشنر گوادر ذاکر علی بلوچ، بلدیہ چیف گوادر ایاز گورگیج ڈسٹرکٹ ایجوکیشن آفیسر عبدالعزیز سیمیت دیگر اساتذہ کرام نے بھی خطاب کیا۔

گوادر۔ 6ستمبر 2022گوادر کے ترقیاتی منصوبوں میں مقامی لوگوں کی شمولیت یقینی ہو تاکہ یہاں کے لوگ ترقی کے عمل سے مستفید ہوسکیں۔ جی ڈی اے کے منصوبوں پر کام کا معیار و رفتار اطمینان بخش ہے۔ ماہیگیروں کیلٸے بریک واٹر کی تعمیر اور تعلیمی اداروں کی تزٸین آرا و سہولیات کی فراہمی بنیادی نوعیت کے منصوبے ہیں جنکی تکمیل سے لوگوں کو براہ راست فاٸدہ ہوگا۔ ان خیالات کا اظہار جی او سی گوادر میجر جنرل عنایت حسین نے منگل کے روز ڈاٸریکٹر جنرل جی ڈی اے مجیب الرحمن قمبرانی کے ہمراہ جی ڈی اے کے ترقیاتی منصوبوں کا دورہ کیا۔ انہوں نے اولڈ ٹاٶن بحالی منصوبے کے تحت جاری ترقیاتی کاموں کا جاٸزہ لیا۔ جس میں دیمی زر بریک واٹر، دیمی زر روڑ، عبدالمجید گوادری روڑ، گرلز ہاٸی اسکول، ماڈل ہاٸی اسکول، سورگ دل فٹبال گراٶنڈ، اور قبرستان شامل ہیں۔ اس موقع پر جی او سی کو بتایا گیا کہ تمام منصوبوں پر کام تیزی کے ساتھ جاری ہے اورمقررہ وقت سے قبل مکمل کیے جاٸینگے۔ جی ڈی اے کے تمام منصوبے عوامی امنگوں کے عین مطابق بناۓ جارہے ہیں تاکہ یہاں کے مقامی لوگ براہ راست مستفید ہوں۔ ماہیگیروں کے لیے زیر تعمیر دیمی زر بریک واٹر تکمیل کے مراحل میں ہے۔ جس سے 12 سے 15 ہزار کشتیاں مستفید ہو جاٸنگی۔ جو کہ کسی بھی سمندری حالات سے محفوظ رہ سکتے ہیں۔ حالیہ خراب موسمی حالات میں بریک واٹر کے بدولت کشتیاں محفوظ رہیں۔ آکشن ہال اور ریپٸرنگ یارڈ بھی بریک واٹر منصوبے کے حصہ ہیں۔ جی او سی کو مزید بتایا گیا کہ زیر تعمیر دیمی زر روڑ سے قبل گزروان وارڈ کے مقام پر ساحل سمندر گندگی کا ڈیر نظر آتا تھا۔ جس کے باعث یہاں کے مکین سخت تکلیف میں تھے۔ اب جی ڈی اے یہاں ایک خوبصورت اور کشادہ روڈ بنا رہی ہے ساتھ ہی سیوریج لاٸن بھی بچھایا جارہا ہے تاکہ سیوریج کا گندا پانی سمندر کے بجاۓ ٹریٹمنٹ پلانٹ میں چلا جاۓ۔ اولڈ ٹاٶن بحالی منصوبے کے تحت شہر میں تعلیمی اداروں اور مراکز صحت کی تعمیر مرمت، تزٸین آرا اور بنیادی سہولیات کی فراہمی پر کام کررہے ہیں۔ تعلیم اداروں میں کام کے رفتار تیز کی گٸی ہے تاکہ درس تدریس کا عمل متاثر نہ ہوں۔ مذید بتایا گیا کہ گوادر شہر میں بلا تعطل پانی کی سپلاٸی کرنے کیلٸے از سر نو پاٸپ لاٸن بچھایا جارہا ہے ۔ جی ڈی اے گوادر میں سیر سیاحت کی فروغ اور تاریخی ورثہ کی بحالی وتحفظ کے الگ الگ منصوبوں پر جامع پلان کے تحت کام کررہی ہے۔ جی او سی نے جی ڈی اے کے ترقیاتی منصوبوں کی معیار اور کام کے رفتار پر اطمینان کا اظہار کیا اور کا کہا کہ جی ڈی اے کی منتخب کردہ منصوبے عوامی مفادات سے ہم آہنگ ہیں اور انکی تکمیل سے یہاں کے لوگوں کو براہ راست فاٸدہ ہوگا۔ جی او سی اور ڈاٸریکٹر جنرل جی ڈی اے نے گزرواں وارڈ میں موجود لوگوں سے بھی ملاقات کی اور انکے مطالبہ پر گزروان وارڈ میں فٹسال گراٶنڈ بنانے کی یقین دہانی کی۔ اس موقع پر چیف انجنیٸر سید محمد اور دیگر انجینیرز محمد اسلم، نادر بلوچ، عبدالرزاق، دودا خان اور نورین بھی ہمراہ تھے۔

گوادر 2ستمبر2021:چیف انجینئر ادارہ ترقیات گوادر حاجی سید محمد بلوچ نے کہا کہ گوادر شہر کی ترقی اور عوام کو سہولیات کی فراہمی ادارہ ترقیات گوادر کا بنیادی وژن اور مقصد ہے بلدیاتی کونسلر اپنے علاقے کے نمائندے ھوتے ہیں آپکے مدد اور تعاون سے ادارہ گوادر شہر کی ترقی کے سنہرے خواب کو عملی جامہ پہنائے گا گوادر شہر کی خوبصورتی کیلئے تین ارب روپے کی لاگت سے اولڈ سٹی بحالی کے منصوبے پر کام جاری ہے ان خیالات کا اظہار انہوں نے نومنتخب کونسلراں کو ادارہ ترقیات گوادر کے زیر نگرانی میں جاری منصوبوں سے متعلق بریفنگ دیتے ہوئے کیا ھے چیف انجینئر کا کہنا تھا ہمارا ادارہ تعمیری تنقید کو خوش آمدید کہتے ہوئے اس کی حوصلہ افزائی کرتا ہے کیونکہ اس سے ہمارے کاموں میں رکاوٹ نہیں بلکہ بہتری آئیگی لوکل کونسلرز ترقی کے خواں ہیں جو اپنے عوام کو سہولیات کی فراہمی کے خواہش مند ہیں جبکہ ادارہ ترقیات گوادر شہر میں ترقیاتی کام کرنے اور گوادر کو ترقی کی بلندیوں تک لے جانے کے مقاصد کے تحت حکومت بلوچستان نے بنایا ہے ترقی جی ڈی اے کا بنیادی وژن اور مقصد ہے جس کی تکمیل عوام اور اس کے نمائندوں کے بغیر ممکن نہیں انہوں نے کہا کہ ہمارا ادارہ گوادر کے کوہ بن وارڈ سے گھٹی ڈھور تک تین ارب روپے کی لاگت سے واٹر سپلائی پائپ لائن منصوبے پر کام کر رہا جس میں شہر میں نئے پائپ لائن بچھانے کے ساتھ جی ڈی اے پارک میں دس لاکھ گیلن واٹر سپلائی میں بیس لاکھ گیلن اور کوہ بن وارڈ میں دو لاکھ گیلن کے واٹر ٹینک تعمیر کرنے کے منصوبے شامل ہیں اس کے ساتھ گوادر پورٹ اتھارٹی کی جانب سے بارہ لاکھ گیلن پانی یومیہ کا منصوبہ زیر تعمیر جس کو شہر سے منسلک کرنے کا منصوبہ بھی اس میں شامل ہے انہوں نے کہا کہ گوادر میں اس وقت وافرمقدار میں پانی ذخیرہ ھے جبکہ جی ڈی اے مرحلہ وائیز گوادر اولڈ ٹاؤن کی بحالی کے منصوبے پر بھی کام کررہا ہے جس کے پہلے مرحلے میں ماڈل اسکول گرلزہائی اسکول میں خوبصورت کلاس رومز کی تعمیر کے ساتھ فٹسال گراؤنڈ سورگ دل فٹبال گراؤنڈ قبرستان کی چاری دیواری جنازہ گاہ کی تعمیر کے ساتھ ساتھ تار گھر ،چار پادگو.

آج کے ترقی یافتہ دور نےثابت کیا کہ قلم بندوق سے زیادہ طاقتور ہے۔ مسقبل میں افرادی قوت کی ضروریات کو پورا کرنے کیلٸے گوادر یونیورسٹی کا کردار اہم ہوگا۔ طلبہ تعلیم پرتوجہ مرکوز رکھیں۔ ضلع گوادر کے پانچ غریب اور ضرورت مند طلبہ و طالبات کے سمسٹر فیس، یونیورسٹی ٹاپر کیلیے ایک لاکھ کیش انعام، غیرنصابی سرگرمیوں کیلٸے پچاس ہزار اور دو واٹر کولر فراہم کیا جاٸیگا۔ مجیب الراحمن قمبرانی کا یونیورسٹی طلبہ سے خطابگوادر۔ 2 ستمبر 2022تفصیلات کے مطابق ڈائریکٹر جنرل گوادر ڈیویلپمنٹ اتھارٹی مجیب الرحمن قمبرانی نے جمعہ کے روز گوادر یونیورسٹی کا دورہ کیا اور اسٹوڈنٹس سے خطاب کرتے ہوۓ کہا کہ گوادر کی عالمی و علاقاٸی حیثیت نے یونیورسٹی کی اہمیت کو دوبالا کیا ہے۔ یہاں کی اہمیت اور ضرورت کے پیش نظراعلی و معیاری تعلیم ناگزیر ہے۔ جب ہم گوادرکو مسقبل کا معاشی حب اور ترقی یافتہ شہر بنانے کی بات کرتے ہیں تو یہیں سے فارغ التصیل افرادی قوت لیڈ کر رہے ہونگے لہذا وہ آج ہی اس بات کو یقینی بنائیں کہ مستقبل میں ایک اہم ذمہ داری انکے کندھوں پر ہوگا لیکن یہ کام بہتریں تعلیم و تربیت کے بغیر مکمن نہیں ہے۔ آج کے جدید اور تیزترین ساٸنس و ٹیکنالوجی کے دنیا میں ڈگری سے زیادہ قابلیت کو اہمیت دی جاتی ہے۔ انہوں نے کہا کہ ایک زمانہ تھا جو اعلی تعلیم اور یونیورسٹی کی سہولت ہرجگہ دستیاب نہ تھی اور لوگوں کو طویل سفر اور مالی بوجھ برداشت کرکے تعلیم حاصل کرنے کیلیے کسی اور شہر کا رخ کرنا پڑھتا تھا۔ لیکن آج کے نوجوان خوش قسمت ہیں کہ انہیں اعلی تعلیم کی سہولت انکے گھر کے دہلیز پر مُیسر ہے۔ لہذا اس نادرموقع سے بھر پور فائدہ اٹھاٸیں۔ انہوں نے کہا کہ موجودہ دور میں سوشل میڈیا کا بڑا کردار ہے طلبہ طالبات اسکی دُرست استمعال سے بھرپور فاٸدہ لیں.

گوادر- ماہر آثارقدیمہ ڈاکٹر کلیم اللہ لاشاری ڈائریکٹر جنرل جی ڈی اے جناب مجیب الرحمن قمبرانی کو گوادر کے آثارقدیمہ کی بحالی و تحفظ کا مجوزہ پلان پیش کر رہے ہیں۔ گوادر-ڈائریکٹر جنرل جی ڈی اے جناب مجیب الرحمن قمبرانی آرکائیولوجسٹ ڈاکٹر کلیم اللہ لاشاری کو یادگاری شیلڑ پیش کررہے ہیں۔

گوادر – 26 اگست 2022ڈائریکٹر جنرل جی ڈی اے مجیب الرحمن قمبرانی کا جیوز کے دفتر کا دورہ، حالیہ بارشوں سے ہونے والی نقصانات کا جائزہ لیا اور لاٸبریری کی فوری بحالی کا فیصلہ۔تفصیلات کے مطابق ڈائریکٹر جنرل جی ڈی اے مجیب الرحمن قمبرانی نے جمعہ کے روز گوادر ایجوکیشنل اینڈ انوارمنٹل ویلفیٸر سوسائٹی (جیوز) کا دورہ کیا اور مختلف شعبوں لاٸبریری ،فاٸن آرٹ کے کلاسز، اور فن پاروں کا جاٸزہ لیا.