Updates

گوادر۔13دسمبر 2022جی ڈی اے اسکول اور ہسپتال تعلیم اور صحت کےشعبے میں اہم کردار ادا کرریے ہیں ۔ لوگوں کو بہترین تعلیم اور معیاری علاج معالجہ کی سہولیات فراہم کرنے کیلٸے اسکول کو کیمبرج انٹرنشنل کے ساتھ منسلک کیا ہے جبکہ ہسپتال انڈس ہسپتال کے سپرد ہے۔ ڈاٸریکٹر جنرل جی ڈی اے مجیب الرحمن قمبرانی کا اسکول او ہسپتال کے دورہ کے موقع پر اظہار خیالڈاٸریکٹر جنرل جی ڈی اے مجیب الرحمن قمبرانی نے منگل کے روز جی ڈی اے ہسپتال اور اسکول کا دورہ کیا۔ ہسپتال میں ہیڈ آف کیمپس ڈاکٹر آفتاب احمد نے انڈس ہستال کی جانب سے اب تک کی کارکردگی سے متعلق تفصیلات سے آگاہ کرتے ہوۓ بتایا کہ لوگوں کو بہتر علاج معالجہ کی سہولت مہیا کرنے کیلٸے ہسپتال میں چار نٸے ڈاکٹرز تعنیات کیے گٸے ہیں اور علاج معالجہ سمیت نظم نسق، صفاٸی ستھراٸی کی صورتحال بہتر بنایا گیا ہے۔ ابتداٸی طور پر مریضوں کی اندارج کر کے انہیں کارڈ جاری کیا جاتا ہے جس کا مقصد ملک بھر میں قاٸم انڈس ہسپتال کے کسی بھی ادارے میں مریض سے متعلق ہسٹری کو محفوظ رکھنا ہے۔ ڈی جی جی ڈی اے نے ہسپتال کے دورہ کے موقع پر مختلف شعبوں کا دورہ کیا۔ مریضوں اور طبی عملہ سے بھی ملاقات کرکے ان سے انکے مساٸل دریافت کیے۔ قبل ازیں ڈی جی جی ڈی نے اسکول کا دورہ کیا اور اسکول میں جاری گولڈن ویک کے مناسبت سے سرگرمیوں کا جاٸزہ لیا۔اور اس دوران طلبہ کے درمیاں جاری کرکٹ میچ میں بطور مہمان خاص شرکت کی۔ ڈاٸریکٹر جنرل کو اسکول کے پرنسپل شاہینہ شوکت نے اسکول سے متعلق آگاہی فراہم کی اور کچھ ضروری تعمیر مرمت اور سازوسامان کی ضرورت سے متعلق آگاہ کیا جو کہ ڈاٸریکٹر جنرل نے موقع پر متعلقہ افسران کو فوری طور پر حل کرنے کی ہدایات جاری کٸے۔ اس موقع پر ڈاٸریکٹر جنرل نے اظہار خیال کرتے ہوۓ کہا کہ بہتریں تعلیم اور معیاری علاج معالجہ کی سہولت ہر شہری کا بنیادی حق ہے اور اسی لیے جی ڈی اے کے قیام کی ابتداٸی مراحل میں یہاں پر اسکول اور ہسپتال بناۓ گۓ اور آج ان اداروں کو کیمبرج اور انڈس جیسے بڑے اداروں کے ساتھ منسلک کیا ہے جس کا مقصد لوگوں کو تعلیم او صحت کےشعبے میں بہتریں سہولیات کی فراہمی ہے۔اس موقع پر ڈاٸریکٹر فنانس ج ڈی اے طارق عزیز لاسی، ڈاٸریکٹر ایڈمن زاہد احمد لانگو، ڈپٹی ڈاٸریکٹر فنانس نظر محمد ،انجینیرز آصف غنی، دوا مری سمیت دیگربھی موجود تھے۔

گوادر۔ 25نومبر 2022برٹش ڈپٹی ہاٸی کمشنر اینڈ ڈاٸریکٹر ٹریڈ براۓ پاکستان سارہ مونے نے جمعہ کے روز ادارہ ترقیات گوادر کا دورہ کیا۔ ڈاٸریکٹر فنانس جی ڈی اے طارق عزیز لاسی نے ڈپٹی ہاٸی کمشنر کو گوادر سمارٹ پورٹ سٹی ماسٹر پلان اور جی ڈی اے کے منصوبوں سے متعلق تفصیلی بریفنگ دی۔ انہوں نے بتایا کہ گوادر ڈویلپمنٹ اتھارٹی غیر ملکی سرمایہ کاری کیلٸے مواقع فراہم کررہی ہے اس مقصد کیلٸے سنٹرل بزنس ڈسٹرکٹ، اسپشل اکنامک ڈسٹرکٹ اور فری اکنامک زون ڈیزاٸن کیے گٸے ہیں۔ جہاں ملکی و غیر ملکی سرمایہ کاروں کیلۓ محفوظ اور پرکشش مراعات پرمشتمل ماحول پیدا کیا گیا ہے۔ اور ون ونڈو آپریشن کے تحت سمارٹ ورکنگ ماڈل متعارف کی گٸ ہے۔ انہوں نے بتایا کہ گوادر کی عالمی اہمیت کے پیش نظر سمارٹ پورٹ سٹی ماسٹر پلان ڈیزاٸن کیا ہے جو کہ شہر کو مستقبل میں ایک پُر آساٸش اور ترقی یافتہ شہر بنانے کیلٸے مددگار ثابت ہوگا اس وقت ماسٹرپلان کے تحت بنیادی ضروریات زندگی صاف پانی، تعلیم، صحت، روڑ ، بجلی سمیت کاروباری، سیاحتی اور آثار قدیمہ کے منصوبوں پر کام جاری ہے۔ گوادر انٹرنشنل اٸیرپورٹ آٸندہ سال مکمل ہوگا جس کی تکمیل سے گوادر ملکی اور غیر ملکی تجارت اور سیاحت کیلٸے دنیا کے نقشہ پر ایک نیا اضافہ ہوگا۔ دنیا کو اس طرف ماٸل کرنے کیلٸے اگلے سال انٹرنیشنل انوسٹرز کانفرس کا انعقاد کیا جاٸیگا۔ اس موقع پر ڈپٹی ہاٸی کمشنر نے گوادر میں غیر ملکی سرمایہ کاری کے مواقع اور امکانات پر تبادلہ خیال کیا اور گوادرمیں سرمایہ کاری کیلٸے گہری دلچسپی ظاہر کی ۔ ڈپٹی ہاٸی کمشنر نے انٹرنشنل انوسٹرز کانفرس میں برطانوی سرمایہ کاروں کی شمولیت کی یقین دہانی کی۔ انہوں نے گوادر کی ترقی کے ماڈل کو پسند کیا اور اس میں جی ڈی کی کردار کو سراہا۔

گوادر۔18نومبر2022ڈاٸریکٹر جنرل جی ڈی اے مجیب الرحمن قمبرانی نے جمعہ کے روز گوادر اولڈ ٹاٶن بحالی پروجیکٹ کا دورہ کیا اور تاریخی ورثہ چار پادگو، تار آفس،شاہی بازار، اسماعیلیہ محلہ اور عمانی فورٹ کی بحالی و تحفظ کے منصوبوں پر جاری کام کا جاٸزہ لیا۔ اس موقع پر ڈاٸریکٹر جنرل جی ڈی اے نے کہاکہ گوادر کی تاریخی و ثقافتی مقامات اس وقت خستہ حالت میں ہیں۔ انکی بحالی و تحفظ کو شہر کی ترقی کے ساتھ شامل کیا گیا ہے جو کہ اولڈ ٹاٶن بحالی منصوبہ کے حصہ ہیں۔ انکی تحفظ اور بحالی کے کام میں اعلی کوالٹی کو یقینی بنایا جاۓ۔ ڈاٸریکٹر جنرل نے گوادر کی قدیمی بازار گلگ سے دیمی زر تک مجوزہ روڑ ساٸیٹ کا بھی جاٸزہ لیا اور اس موقع پر چیف انجینٸر سید محمد نے بتایا کہ جی ڈی اے کے تحت ماہیگیروں اور ملحقہ آبادی کی سہولت کیلٸے ایسٹ بے ایکسپرس وے کے ساتھ روڑ بنایا جارہا ہے اس روڑ کو گوادر کے قدیمی و تاریخی بازار گلگ کے ساتھ منسلک کرنے کیلٸے ایک لنک روڑ تجویز کی گٸی ہے جس کی تعمیر سے تاجروں اور گڈز ٹرانسپورٹ کیلٸے آسانیاں پیدا ہونگی۔ ڈاٸریکٹر جنرل نے شاہی بازار میں ابراہیم کے سو سال پرانی پان شاپ میں ان سے ملاقات کی اور شاہی بازار کی تاریخی اہمیت و پس منظر پر معلومات کا تبادلہ کیا گیا اور تاریخی پان شاپ کی تعمیر مرمت کی یقین دہانی کی گٸی۔

ایم پی اے گوادر میر حمل کلمتی کا گوادر عوام سے کیا ہوا ایک اور وعدہ پورا تمام سہولیات سے آرستہ وینٹ ایمبولنس انڈس ہسپتال کے منتظمین کے حوالے کر دیا گیا ۔ رکن صوبائی اسمبلی میر حمل کلمتی کی ہدایات پر گوادر کے معروف سیاسی و سماجی رہنماء میر ارشد کلمتی نے تمام سہولیات سے آراستہ وینٹ ایمبولنس کے چابی ہیڈ آف کیمپس پاک چائنا انڈس ہسپتال گوادر ڈاکٹر آفتاب کے حوالے کر دیا اس موقع پر بلوچستان نیشنل پارٹی گوادر کے رہنماء سابق تحصیل ناظم گوادر ماجد سہرابی ، جی ڈی اے گوادر کے ڈائریکٹر فنانس طارق لاسی ، جی ڈی اے ہسپتال کے ایڈمن آفیسر نادر بلوچ ،بی این پی گوادر کے تحصیل سکریٹری جنرل ناصر موسی موجود تھے واضع رہے روان ماہ ایم پی اے گوادر میر حمل کلمتی نے انڈس ہسپتال کے حوالگی کے موقع پر اعلان کیا تھا کہ تمام سہولیات سے آراستہ ایمبیولنس گوادر کے عوام کے لیے جلد فراہم کرونگا ونیٹ ایمبیولینس نہ ہونے کی وجہ سے مریضوں کو تشویش ناک حالات میں کراچی پہنچے میں مشکلات کا سامنا تھا مگر اب تمام سہولیات سے آراستہ ایمبولنس کی سہولت گوادر کے لوگوں کو فراہم کی گئی ہے ۔

گوادر۔ 2 نومبر 2022یورپی یونین کے ایک اعلیٰ سطحی وفد نے بدھ کے روز گوادر کا ایک روزہ دورہ کیا۔ وفد کی قیادت Hervc Juvin ممبر کمیٹی برائے انٹرنشنل ٹریڈ کررہے تھے جبکہ وفد میں Virginie Joran ممبر کمیٹی برائے انٹرنیشنل مارکیٹ اور دیگر شامل تھے۔ ڈائریکٹر جنرل گوادر ڈویویلپمنٹ اتھارٹی مجیب الرحمن قمبرانی نے وفد کو گوادر آمد پر تفصیلی بریفنگ دی ۔ ڈائریکٹر جنرل جی ڈی اے نے وفد کو بتایا کہ گوادر اپنی قدرتی جغرافیائی وجود کے باعث ہمیشہ عالمی معشیتوں کے توجہ کا مرکز رہا ہے۔ اورگہرے پانی میں بندرگاہ کی تعمیر کے بعد گوادر کی اہمیت اور بڑھ گٸی ہے جو کہ خطہ میں شپنگ کا مختصر تریں روٹ ہے ۔ گوادر شہر کی اس عالمی اہمیت و حیثیت کے پیش نظر سمارٹ پورٹ سٹی ماسٹر پلان ڈیزائن کیا گیا ہے۔ اور جی ڈی اے ماسٹر پلان کی روشنی میں شہر کو عالمی معیار کے مطابق تعمیر و ترقی کے عمل سے گزار رہی ہے مستقبل میں یہ شہر عالمی سطح پر معاشی و سیاحتی مرکز کے طور پر ابھرے گا۔ انہو ں نے وفد کو مزید بتایا کہ ماسٹر پلان کے تحت پچیس سو ایکڑ اراضی پر مشتمل سنٹرل بزنس ڈسٹرکٹ، گوادر فری زون، انٹرنیشنل اٸرپورٹ سمیت صحت، پانی، بجلی، تعلیم،سیاحت اور کھیل کے منصوبوں پرکام جاری ہے ۔ وفد نے تعمیر وترقی کے مجوزہ پلان اور جی ڈی اے کی کردار کو سراہا وفد نے گوادر میں سرمایہ کاری کے مواقع و سازگار ماحول پر تبادلہ خیال کیا اور ماہیگیری سمیت مختلف شعبوں میں ٹیکنیکل سپورٹ فرام کرنے میں دلچسپی ظاہر کی۔